ប្រជាពលរដ្ឋបញ្ចេញកំហឹងទៅលើឃាតករ
ដែលរំលោភក្មេងស្រីម្នាក់ រួចសម្លាប់ប្លន់យកម៉ូតូនៅស្រុកម៉ាឡៃ ខេត្តបន្ទាយមានជ័យ ខណៈពេលដែលសមត្ថកិច្ចយកជនល្មើសទៅធ្វើត្រាប់។ សាកសពក្មេងស្រី ត្រូវបាន
ប្រទះឃើញនៅវេលាម៉ោង៨និង៣០នាទីព្រឹកថ្ងៃទី២២ ខែកក្កដា ឆ្នាំ២០១៧ ក្បែរគម្ពោធព្រៃក្បែរ ស្ថិតនៅភូមិបល័ង្គឃុំតាគង់ស្រុកម៉ាឡៃ។

នារីរងគ្រោះដែលត្រូវរំលោភសំលាប់មានឈ្មោះ ឈៀង ស្រីខួច អាយុ១៨ឆ្នាំ(ជាកូនទោល) រស់នៅភូមិកើតហេតុខាង។

សមត្ថកិច្ចបានបញ្ជាក់ថា នៅពេលនារីរង
គ្រោះត្រូវបានឃាតកររំលោភសំលាប់យកម៉ូតូ១គ្រឿង គឺនារីរងគ្រោះបានជិះម៉ូតូ១គ្រឿងម៉ាក់ហុងដាសេរីឆ្នាំ២០១៥វបានឌុបឱពុកទៅធ្វើជាកម្មករធ្វើស្មៅដំឡូងហើយត្រឡប់មកវិញត្រូវបានឃាតករសំលាប់ដោយចាប់ស្ត្រីរងគ្រោះពាត់ដៃទៅក្រោយហើយយកមុខខ្ពប់ទៅនិងភក់ជាន់ពីលើរហូតដល់ដាច់ខ្យល់ស្លាប់ហើយយកម៉ូតូ១គ្រឿងទៅបាត់។
ក្រោយពេលទទួល
ព័ត៌មានកម្លាំងជំនាញបានទៅពិនិត្យសពនារីរងគ្រោះមានស្នាក់ស្នាមរំលោភសំលាប់នៅអំឡុងម៉ោង៧ទៅ៨ព្រឹកក្រោយពេលត្រឡប់ពីជូនឱពុកធ្វើមកតាមផ្លូវត្រូវបានឃាតការរំលោភសំលាប់តែមិនទាន់ដឹងច្បាស់ថា៖ស្ត្រីរងគ្រោះត្រូវបានឃាតកររំលោភមុនសំលាប់រឺសំលាប់ហើយរំលោភនៅឡើយទេក្រោយពេលពិនិត្យហើយត្រូវបានប្រគល់សាកសបជនរងគ្រោះជូនសាច់ញាតិធ្វើបុណ្យតាមប្រពៃណី។

លោកឧត្តមសេនីយ៍ទោ អាត់ ខែម ស្នងការនគរបាលខេត្តបន្ទាយមានជ័យបានប្រាប់ថា៖ចំពោះឃាតក ដែលរំលោភសំលាប់ស្ត្រីរងយកម៉ូតូគឺបានស្គាល់ឈ្មោះ ជីម តាក់ ភេទប្រុសអាយុ២៥ឆ្នាំរស់នៅភូមិជាមួយគ្នាកំពុងរត់គេចខ្លួន។ទោះជាយ៉ាងណាពេលនេះជនសង្ស័យត្រូវបានជំនាញបានកំពុងស្រាវជ្រាវ និងចាប់ជនសង្ស័យយកមកផ្តន្ទាទោសតាមច្បាប់៕